Хабар телеарнасы

Владимир Зеленский: Донбасста кім басым түссе, Украинадағы соғыста сол жеңеді

Оның айтуынша, украин әскері Харьков облысы үшін шайқаста көп сарбазынан айырылған. Ресей күштері аталған аймаққа бақылау орнату үшін барын салып жатыр. Бұдан басқа елдің оңтүстігінде де қиян-кескі ұрыс тоқтамай тұр.

Владимир Зеленский, Украина президенті:

- Северодонецк пен оның маңындағы басқа қалалар мен елді мекендерде қиян-кескі ұрыс жүріп жатыр. Өкінішке қарай, біздің тарапта адам шығыны өте көп. Бірақ берілмейміз. Бұл – біздің мемлекетіміз. Әсіресе Донбассты ұстап қалу өте маңызды.

Ресейдің Қорғаныс министрлігі дәлдігі жоғары «Калибр» зымырандарымен Украина әскерінің зеңбіректерін және оқ-дәрісін жойғанын хабарлады. Бұдан бөлек бір ұшақ, бірнеше зымыран мен ондаған реактивті снаряд атып түсірілген.

Игорь Конашенков, РФ Қорғаныс министрлігінің ресми өкілі:

- Соңғы бір тәулікте Ресей әуе күштері Славянск аспанында Украинаның «Миг-29» атқыш ұшағын және Снихуривкада «Ми-24» тікұшағын атып түсірді. Зеңбірек сақталған қойма талқандалды.